تاند:( شنبه، د قوس نولسمه) په کابل کې د ملګرو ملتونو د سرمنشي د ځانګړي استازي دفتر ( يوناما) نن د بشري حقونو د نړيوالې ورځې په مناسبت د طالبانو له حاکمې ادارې وغوښتل، چې د انساني کرامت او حقونو د نقض بحران پای ته ورسوي.
دغه دفتر طالبان د بشري حقونو په اړه د افغانستان د پخوانيو حکومتونو د کړو ژمنو په عملي کولو مکلف ګڼلي دي.
يوناما په ځانګړي ډول د ښځو او نجونو د لومړنيو حقونو په ژر تامين ټینګار کړی.
د طالبانو له بيا واکمنيدو سره، د ښځو پر وړاندې په شدت سره يو سخت دریځه قوانین، چې دغه ډله یې اسلامي شريعت بولي، حاکم شوي او د ښځو د حقونو د فعالانو په وینا ښځې یې له ټولنې حذف کړي دي.
طالبان بيا په دې اړه ادعاوې ردوي او ادعا کوي، چې د ښځو او بشر اصلي حقونه په نړۍ کې دوی تر هر چا ښه تامين کړي دي.
د بشري حقونو نړیواله اعلامیه ۷۵ کاله تصويب شوه، چې افغانستان یې له لومړنيو ۴۸ ملاتړو هېوادونو څخه و.
له انسانه د انسانیت توقع وکړئ نه له دې بې تمدنه وحشیانو نه. دوی د نارسیزم او ساديزم په دواړو ناروغیو اخته دي، له دې کارونو خوند اخلي، او په افتخار یې مشران د دداسې مناظرو سیل ته ورځي.
د پتنګ د لیکنی سره همغږی یم
تالبیزم د انسانی کرامت دښمنان او ستر قاتلین دی
او همدا وحشی تګ لاره د خپلی کامیابۍ راز ګڼی او پرمخ يی بیايی. همدا رنګه افغانانو ته دا کومه د حیرانتیا خبره نده ځکه چی د تالبیزم اساس او بنیاد په وحشت او تور جهالت ولاړ دی او دانسانی کرامت په نوم هیڅ داسی شی نه پیژنی.
خو د حیرانتیا خبره داده چی ملګری ملتونه لا اوس هم د وحشی او درنده تالب نه د انسانی کرامت د احترام غوښتنی کوی پداسی حال چی هرڅه يی د سترګو په وړاندی دی او ددې وحشی ډلی له هری کړنی خبر لری.