تاند:(چار شنبه، د قوس شپاړسمه) د افغانستان مشهورې سندرغاړې ښاپېرۍ نغمې ط-انو ته د نجونو د ښوونځيو په اړه یوه نوې سندره ډالۍ او د دغو ښوونځيو د پرانيستلو غوښتنه ورڅخه وکړه.
نغمې په یوه نوې مرکه کې خپله دا سندره خپره او طالبانو ته په خطاب کې وویل، چې پر نارینه او ښځینه وو د زده کړو فرض والي، د افغانستان د راتلونکي برخليک د ښه کیدو او د ټول افغانستان او نړۍ غږ نه په کتو، چې د نجونو د تړل شويو ښوونځيو پرانيستل غواړي، دا ښوونځي دې پرانیزي.
ښاپېرۍ نغمې له طالبانو وغوښتل، چې د نوموړې دغه سندره واوري، ځکه طالبانو ته په ځانګړي ډول ویل شوې ده.
د طالبانو له بيا واکمنيدو سره، شاوخوا يو نيم کال کیږي، چې د څو میلیونه افغان نجونو پر مخ له شپږم ټولګي څخه پورته د ښوونځيو دروازې تړل شوي دي.
د نړۍ د مشهورو اسلامي عالمانو تر څنګ د افغانستان د مختلفو سيمو قومي مشرانو، دیني عالمانو او مختلفو قشرونو په ځلونو- ځلونو له طالبانو څخه د يادو ښوونځيو د پرانيستلو غوښتنه کړې ده.