تاند:(سې شنبه، د قوس پینځلسمه) د جلال اباد ښار د تالاشۍ چوک صرافۍ مارکيټ کې نن ماسپښين دوه بجې د ځای پر ځای شويو چاوديدونکو توکو چاودنې له امله شپږ ملکي وګړي ټپيان شوي.
د ننګرهار لپاره د طالبانو د والي مطبوعاتي دفتر وايي، چې د ټپيانو روغتيايي وضعيت د ډاډ وړ دی.
سرچينه زياتوي:«امنيتي مسئولينو د پېښې څرنګوالي او مجرمينو نيولو په موخه هڅې پيل کړي دي.»
چارواکو د پېښې په اړه نور جزییات نه دي ورکړي.
د پېښې یو شمېر عیني شاهدانو تاند سره خبرو کې د ټپيانو شمېر ډېر وښود او د تلفاتو احتمال ېې هم څرګند کړ.
د پېښې هدف تر اوسه نه دی معلوم او مسووليت ېې هم چا پر غاړه نه دی اخیستی.