جمعه, مارچ 29, 2024
Homeخبرونهشیخ مدارعلي بامیاني د ښاري پراختیا وزارت مرستیال وګومارل شو

شیخ مدارعلي بامیاني د ښاري پراختیا وزارت مرستیال وګومارل شو

تاند- شیخ مدارعلي بامیاني د طالبانو د حکومت له لوري د کور او ښار جوړولو وزارت د ښاري چارو مرستیال وټاکل شو.

ښاغلی بامیاني نن (پنجشنبه) د ريیس الوزرا د چارو د ادارې د مرستیال مولوي عبدالسلام حقاني له لوري د اقتصاد وزارت ته معرفي شو.

د چارو د ادارې له خبرپاڼې سره سم، شیخ مدارعلي بامیاني د ريیس الوزرا ملاحسن اخوند په حکم د ښاري چارو معین ګومارل شوی دی.

د ښاغلي بامیاني ټاکنه له دې کبله د پام وړ ده چې پر طالبانو نیوکه کېږي چې هزاره ګانو ته یې په خپل حکومت کې چندان ونډه نه ده ورکړې.

د طالبانو د حکومت د اقتصاد وزارت مرستیال عبدالطیف نظري هم په خټه هزاره دی.

د چارو د ادارې د مرستیال مولوي عبدالسلام حقاني د ښاغلي بامیاني د معرفۍ په غونډه کې وویل چې نوموړی تجربه کار، پوه او هیوادپال شخصیت دی او خپل مسوولیت په سم ډول اجرا کولی شي.

حقاني د افغانستان ټول قومونه سره وروڼه وبلل، ویې ویل چې د هیواد خیر په دې کې دی چې افغانان یو بل ته سره لاسونه ورکړي او د هیواد د ابادۍ لپاره کار وکړي.

1 COMMENT

LEAVE A REPLY

Please enter your comment!
Please enter your name here

- Advertisment -

ادب