تاند:( سې شنبه، د قوس لومړۍ) د طالبانو تر کنټرول لاندې د افغانستان د ترافيکو ادارې چارواکو ویلي، چې له تېرو اتو مياشتو راهيسې د ترافیکي پېښو له امله ۷۰۰ تنه وژل شوي او تر يو نيم زر نورو پورې کسان ټپيان شوي دي.
د ترافيکو د ادارې یوه مقام عبدالودود خیرخواه ویلي، چې د تېر کال د همدې مودې په پرتله سږکال د ترافیکي پېښو مرګ ژوبله ۵ سلنه زياته شوې ده.
سرچينه زياتوي، چې د ثبت شویو ارقامو له مخې په وژل شويو کسانو کې ۴۵۴ ېې نارینه، ۷۲ ښځې او ۱۸۲ نور ېې ماشومان دي.
له دغو پېښو څخه شاوخوا درې سوه ېې د کابل او ډېرې نورې یې د هېواد د لویو لارو اړوند ښودل شوي.
نړيوال ارقام څرګندوي، چې هر کال تر ۱۳ سوه زرو پورې کسان په نړۍ کې د ترافيکي پېښو له امله وژل کیږي او تر ۵۰ میلیونو پورې نور ټپيان کیږي.