تاند:( سې شنبه، د قوس لومړۍ) د سویس حکومت خبر ورکړی، چې د دغه هېواد يوه بانک ته د افغانستان د کنګل شوې بانکي زېرمې د درېیمې برخې د لېږد په اړه د اړوند کميسيون غونډه جوړه شوې ده.
د سرچينې د معلوماتو له مخې، یاده غونډه پرون د سویس په پلازمېنه ژنيو کې شوې.
سرچینې د یادې غونډې جزييات نه دي په ډاګه کړي.
د سويس يوه بانک ته د افغانستان د شاوخوا لس میلیارده امريکايي ډالرو د کنګل شوې بانکي زېرمې د درېیمې برخې د لېږد پریکړه څو میاشتې مخکې د امريکا متحده ايالاتو حکومت وکړه.
ياد شوي هېواد « د افغانستان د خلکو مالي صندوق» په نوم يو صندوق هم رامنځته او د دوو سویسي، يوه امريکايي مقام او دوو پخوانيو افغان بانکي چارواکو په ګډون د ياد شوي صندوق د مدیریت لپاره يو بورډ هم رامنځته کړ.
له افغان لوري څخه ډاکټر انورالحق احدي او شاه محمد محرابي، چې د افغانستان بانک پخواني چارواکي دي، په دې بورډ کې غړيتوب لري.
طالبانو مخکې د دغه بورډ د اعلان مخالفت کړی و ، خو د عملي کار د پيل په اړه ېې غبرګون نه دی ښودلی.