خاص د لنډو كيسو لپاره
د فردا کلوب د اروا ښاد ډاکټر صاحب اکرم عثمان د لوړو ادبي او ځلاندو کړنو په پار دریم ادبي، کيسيز فيسټيوال د اکرم عثمان د ادبي جايزې په نامه جوړوي. د دغه فيسټيوال هدف په ځانګړي توګه د لنډې کیسې ليکلو په ډګر کي د افغانستان د نویو او تکړه څېرو معرفي ده. د دغه فيسټيوال مديريت ټولو کیسه لیکوالو ته که په هيواد کې دننه او يا له هيواده بهر وي بلنه ور کوي، چي د خپلو دوو لنډو کیسو د را لېږلو له لاري په دغه فيسټيوال کي ګډون و کړي. د دغه فيسټيوال صلاحيت لرونکي کتونکي به درېيو ښو غوره شويو لنډو کیسو ته د (اکرم عثمان) ادبي جايزه ورکړي. د دغه فيسټيوال ټاکل شوي يا انتخاب شوې کیسې به د يوه خاص کتاب په بڼه چاپ شي.
په فيسټيوال کي د ګډون شرايط:
۱. ستاسي ليکلي داستاني (کيسه ايز) آثار بايد د ۲۰۲۲ کال د نومبر۱څخه د ۲۰۲۲ کال د دسمبر له ٣۱ نېټې پوري د فيسټيوال ادارې ته را و رسېږي .
۲. ليکونکي يواځې دوه داستانونه په دري او یا پښتو ژبو راوليږي.
۳. ټول اثار بايد په word ليکل شوي، د (attachment) ضميمه فايل ته، د برښنايي پستې له لاري
( [email protected]) ته، د « د اکرم عثمان ادبي فيسټيوال لپاره » تر عنوان لاندي را و لېږل شي .
۴. د اثر د څښتن پوره مشخصات (نوم، کورنی نوم، د زېږېدو نېټه، د زېږېدو ځای، د اوسېدو اوسنی ځای، د تحصيلاتو کچه، که چاپ شوي آثار و لری، د اثر نوم، د پستې نښاني، د تليفون نومره) دي په يوه ځانګړې پاڼه کي، د ټيپ شوو آثارو سره يو ځای راولېږي.
وخت: شنبه ۱۶ غویی ۱۴٠٢
مکان: استکهلم ـ سویدن
د کلتور رود د اداری په په همکارۍ
د اکرم عثمان د ادبي فيسټيوال مديريت
فردا کلتوري کلب په سویډن کې