تاند:( شنبه، د عقرب اته ويشتمه) د کابل – ننګرهار پر لويه لاره د کوچيانو يو لارۍ موټر د ماهيپر په انار باغ سيمه کې د ترافيکي پېښې په ترڅ کې چپه شوی.
د طالبانو چارواکو ويلي ،چې په دې پېښه کې د ښځو او ماشومانو په ګډون په کې ۳۲ تنه ټپیان شوي دي.
د باختر آژانس د خبر له مخې؛ په دغه پېښه کې د دوو مېرمنو په ګډون د ۳ ماشومانو روغتیايي حالت نازک ښودل شوی دی.
په وروستيو کې د ترافيکي پېښو خبرونه زیات شوي.
ډېری دا پېښې د طالبانو د موټر چلوونکو اړوند وي، چې د تلفاتو خبرونه پکې ورکول کېږي او ځېنې وخت طالب چارواکي هم پکې شامل وي.