تاند:( چارشنبه، د عقرب پینځه ويشتمه)په افغانستان کې د ملګرو ملتونو د سرمنشي ځانګړي استازي دفتر یوناما د طالبانو د چارواکو وروستیو څرګندونو او د پارکونو، جیمونو او حمامونو له کارولو څخه د ښځو د مخنیوي په اړه پريکړو ته ژوره اندیښنه ښودلې.
یوناما په یوه اعلامیه کې ویلي:«د ټولو افغانانو حقونه باید وساتل شي، په ځانګړې توګه د عامه ژوند ټولو بڼو ته د ښځو لاسرسی او زده کړې ته د نجونو حق.»
د طالبانو دغه پریکړه په پراخه کچه د خلکو له توندو غبرګونونو سره مخ شوې ده.
ياده پرېکړه د طالبانو امر بالمعروف وزارت کړې او ویلي، چې پارکونو او عمومي حمامونو ته د ښځو ورتګ د اسلامي شریعت خلاف دي.
طالبانو له څه باندې یو کال راهیسې سلګونه زره افغان نجونې له زده کړو هم محرومې کړي او له شپږم ټولګي څخه د پورته ښوونځيو دروازې ېې ور تړلي.
هیله ده چی ” یوناما ” د مظلومو افغانانو خصوصاً ښځو د اساسی حقوقو د غصب له وجی ډیره اندیښنه او تشویش ونکړی ځکه ډیر تشویش او ګروم به د یوناما د لوږ فشار او اِسهال او حتی قلبی او مغزی سکتې سبب وګرځی. ( په حقیقت کی یوناما او حتی UN = رِیا او تېرایستنه ).
ددې مذهبي ځناورو په اخلاقو حتی حیوانات هم شرمیږي ، خبرې ګټه نکوي اولس باید پورته شي او دغه حیوانات هسې وشړي ! زمونږ په دین کې داسې لېونتوب نشته ، نالت پر دې عقده یې جاهلینو !