تاند:(سې شنبه ،د عقرب څلور ويشتمه) د ملي جمهوري غورځنګ ګوند مشر او د پاکستان پارلمان کې د وزيرستان يوه استازي محسن داوړ په دغه پارلمان کې د وینا پر مهال افغان کډوالو سره د پاکستان په ناوړه چلند توندې نيوکې وکړې.
ښاغلي داوړ په خپله تازه وینا کې پاکستاني پارلمان ته وویل:«ټوله نړۍ له افغان کډوالو سره مجرمه ده، پاکستان کې ورسره د پسونو په څېر چلند کېږي، کله چې ډالر راتلل نو چلند بل ډول و، اوس بل ډول دی، د کډوالو لپاره د دولت کومه تګلاره نشته.»
ښاغلي داوړ د يوه بهرني سفر پر مهال څه موده مخکې وويل، چې د پاکستان پارلمان کې به د افغان کډوالو پر وړاندې د ناوړه چلند په اړه د يوې کمېټې د جوړولو هڅې وکړي.
په وروستيو کې د پاکستان له کراچۍ ښار او دغه راز په سپین بولدک دروازه کې افغان کډوالو او په خاص ډول ښځينه وو سره د پاکستاني ځواکونو د ناوړه او له بې عزتۍ د ډک چلند ویډیو ګانې رسنیزې شوي دي.
د دغه چلند له امله د پاکستان د حکومت تر څنګ افغانانو د طالبانو پر حاکمې ادارې هم توندې نيوکې کړي او ويلي، چې دا ورځ د دوی له لاسه په افغانانو راغلې او دغه اداره په ټولو هېوادونو کې د افغان کډوالو له دفاع څخه عاجزه ده.
د طالبانو اداری په دې اړه له فشارونو وروسته په دې اړه په کابل کې د پاکستان شارژدافیر ته خپلې غوښتنې اورولي او افغان کډوالو سره د ناوړه چلند د مخنيوي غوښتنه يې کړې ده.
داور رښتیا وایي، چی له افغانانو سره باید د انسان په شان چلند وشي. خو پاکستان خپلو دروازو کې سپیان درولي، نو له سپیانو نه د انسانیت توقع نشي کېدئ. د طالب په کونې یې هم ور ښخ کړم په دې غیرت. دا خرکوسان ټول نرښځيانې دي. د غیرت دمه ترې وتې ده.