تاند:(يکشنبه ،د عقرب دوه ویشتمه) پر کابل ښار نن شپه د روان ژمي لومړنۍ واوره وریدلې ده.
يو شمير کابل ښاریانو په دې مناسبت خوښي ښودلې او په ټولنيزو رسنيو کې ېې د واورې وریدو عکسونه خپاره کړي.
د طالبانو يو شمېر چارواکو او مطبوعاتي فعالانو بیا د واورې وریدو پر وخت د خپلو ځواکونو عکسونه خپاره کړي او په ساړه موسم کې ېې د خلکو د امنيت ساتلو لپاره د دوی هڅې ستایلي دي.
ځینو خلکو بیا د ژمي شدت سره په ټول هېواد او په ځانګړي ډول د کابل ښاریانو د ژوند د ستونزو يادونه کړې او ویلي، چې د بشري او اقتصادي ناورين په دې شديد حالت کې به خلکو ته د ژوند د اړتیاوو تامينول ډېر ستونزمن شي.