تاند:(دوشنبه ،د عقرب در ویشتمه) د طالبانو د امر بالمعروف وزارت له دې اعلان سره، چې کابل کې يې څلور سوه لاسپیکرونه د آذان لپاره نصب او تر سل پورې مرکزونه فعال کړي، پرزول شوی جمهوري نظام له یو شمېر جوماتونو څخه د اذان د لوډسپیکرونو په ایسته کولو تورن کړی.
د طالبانو دغه وزارت د خپلې دغې ادعا په اړه نور جزییات نه دي ورکړي.
د طالبانو یو شمېر نورو ادارو او چارواکو هم پر جمهوري نظام ورته تورونه پورې کړي، خو د جمهوري نظام او په خاص ډول د بې واکه شوي ولسمشر محمد اشرف غني پلویان باور لري، چې د ښاغلي غني د واکمنۍ پر مهال د افغانستان په تاريخ کې تر بل هر حکومت جوماتونو ته ډېره پاملرنه شوې او تر شاوخوا زړو پورې جوماتونه یوازې د اشرف غني د واکمنۍ لاسته راوړنې دي.
د طالبانو دغې ادعا ته ډېرو بهر مېشتو افغانانو په ټولنیزو رسنیو کې توند غبرګونونه ښودلي او دا یې بې بنياده خبرې ګڼلي دي.