تاند:(دوشنبه ،د عقرب شپاړسمه) د ننګرهار لپاره د طالبانو د استخباراتو ریاست د انسان تښتوونکو يوه ډله نیولې ده.
د طالبانو د استخباراتو د ادارې په يوه اعلاميه کې راغلي، چې دغه ۵کسیزه ډله له یو شمیر وسلو او درې عراده موټرو سره یو ځای نیول شوې ده.
سرچينه زياتوي ،چې دغې ډلې څه موده وړاندې یو هیوادوال تښتولی او بیا یې خورا په بې رحمۍ وژلی و.
ويل شوي ،چې د یادو انسان تښتوونکو له منګولو یو بل تن ژغورل شوی او ورڅخه اخیستل شوې پیسې بیرته د هغه کورنۍ ته سپارل شوي دي.