تاند:(دوشنبه ،د عقرب شپاړسمه) روغتيا نړيوال سازمان په افغانستان کې د پولیو پرضد د پام وړ لاسته راوړنو خبر ورکړی او ویلي، چې د پوليو د پېښو ثبت تر پخوا کم شوی.
دا په داسې حال کې ده، چې افغانستان لا هم د هغو محدودو هېوادونو په ډله کې دی، چې د پولیو پیښې پکې موجودې دي.
د طالبانو تر کنټرول لاندې د روغتیا وزارت ویاند شرافت زمان وايي، چې د دوی له واکمنيدو سره په آخر ځل, تېر اکتوبر تر ۶ میلیونو پورې افغان ماشومانو ته د پولیو يا ګوزڼ واکسین شوی دی.
د عامې روغتيا وزارت د واکسیناسیون پروګرام مشر کمال شاه وايي، چې د طالبانو له واکمنيدو څخه مخکې شاوخوا څلور میلیونه ماشومان د نا امنۍ له امله واکسین نه بې برخې وو.
د طالبانو منتقدین په تېر کې دوې د جګړې او رواني تبليغاتو له لارې د واکسين پروګرام تر ټولو لوی خنډ یادوي.
د افغانستان د تېرو شلو کلونو د جګړو له امله د واکسیناسیون ډېر کارکوونکي هم وژل شوي او ټپيان شوي.
اوس خلک هیله لري، چې د ډېرو اقداماتو په کولو نوړ افغانستان د ګوزڼ پېښې صفر ته ورسولی شي.