تاند:(چار شنبه ،د عقرب يوولسمه) د کابل لپاره د طالبانو د امنیې قومندانۍ چارواکو تاييد کړه، چې په کارته مامورین سیمه کې د مرکزي سيلو مخته نن د کليو او پراختيا وزارت د کارکوونکو په کاسټر موټر چاودنه شوې.
د دغې قوماندانۍ لپاره د طالبانو وياند خالد ځدراڼ وايي، په چاودنه کې ۸ تنه ټپيان شوي.
نوموړي په دې اړه نور جزییات نه دي ورکړي.
په وروستيو کې له کابل څخه د ورته څو پېښو خبرونه ورکړل شوي.
تېره جمعه د کابل د پینځمې ناحیې په يوه جومات کې هم چاودنه شوې وه، چې لږ تر لږه ۷ ملکیان یې ټپيان کړي وو.
د دواړو وروستيو پېښو مسووليت چا یا کومې ډلې پر غاړه نه دی اخیستی.