تاند:(چار شنبه ،د عقرب يوولسمه) ازبکستاني چارواکو د افغانستان په شمال کې د مزارشریف د هوايي ډګر د رغولو خبر ورکړی.
یوې ازبکستاني رسنۍ ويلي چې د دغه هوايي ډګر مختلفې برخې یې د هېواد تخنیکي ډلو د طالبانو د حاکمې ادارې په غوښتنه رغولي دي.
د UZA رسنۍ د راپور له مخې، د یاد هوايي ډګر د رغولو تر څنګ ېې د دغه ډګر د بريښنا د زياتوالي لپاره هم اقدام کړی.
ويل شوي، چې له رغولو وروسته د مزارشریف هوايي ډګر وړتیاوې زياتې او ډېرو او پرله پسې الوتنو او ناستو ته چمتو شوی.
سرچېنې د افغانستان لپاره د ازبکستان د ځانګړي استازي عصمت الله ایرگاشیف او نورو چارواکو په ګډون د رغول شوي هوايي ډګر د پرانيستلو خبر هم ورکړی.
د طالبانو چارواکو په دې اړه څه نه دي ويلي.
ازبکستان د طالبانو د حاکمې ادارې له نیږدې سیمه ییزو همکارانو څخه دی.