تاند:(دوشنبه ،د عقرب نهمه) د افغانستان د سولې لپاره د امريکا متحده ايالاتو ځانګړي استازي ټام ويسټ د پرزول شوي جمهوري نظام د مصالحې عالي شورا رييس ډاکټر عبدالله عبدالله سره ټلیفوني خبرې کړي.
عبدالله په خپله فیسبوک پاڼه لیکلي، چې عبدالله عبدالله د افغانستان له خلکو سره د امریکا د متحدو ایالاتو له بشردوستانه مرستو څخه مننه او قدرداني کړې ده.
سرچينه زياتوي:«دواړو لوریو له شپږم ټولګي پورته د نجونو د ښوونځيو پرانستل د افغانانو اړتیا او غوښتنه یاده کړه او ټینګار یې وکړ، چې د اوسنیو ستونزو د حل او په هېواد کې د سراسري ثبات د تامین لپاره واقعي بین الافغاني خبرو اترو ته چې د ملي یووالي تحکیم او ملي مشارکت لامل شي، اړتیا ده.»
د عبدالله د اعلاميې له مخې ،په پای کې ویست له افغانانو څخه د امریکا د ملاتړ له دوام څخه ډاډ ورکړ.
ټام ويسټ څو ورځې مخکې د افغانستان پخواني ولسمشر حامد کرزي سره هم ورته ټلیفوني خبرې کړې وې.
سلامونه،
منافقین او منافقات ،د خپلو انفرادي جیبونو ډکولو لپاره په ټیلفن کې په پخوانیو غټو غټو بمونو شخوند وهي!! بهانه ېې د نجونو مکتبونه شي
ط. مډیا ولې دا ایجړایی او تش په نامه سولې وهلو څېرو ته وخت ورکوي چې بیا په کور خود بینای مردم ، ظاهري آرایش او رنګارنګ د کرزي کرتیو باندې بېپلانه بې تفکره هسې خوسې ېېد سامري خوسکی چټي باټې ولي . افغان ولس دوی استفراغ کړي دي.
دوی دې د بلیونونو ډالرو او اربونو دینارو او پوڼډونو حساب ،افغان نجونو، ځوانانو، ماشومانو او شهیدانو ته ورکړي !!!.
ان الله سریع الحساب .