تاند:(شنبه ،د عقرب اوومه) په لوګر کې د ۱۰۰ زرو امریکايي ډالرو په لګښت د ۹ښوونځیو ودانۍ ترمیميږي.
د لوګر د پوهنې ریاست ویاند شاه پور عرب وايي چې په مرکز، بره کي برک،څرخ او خروار ولسوالیو کې د ۹هغو ښوونځیو ودانۍ بیا رغول کېږي چې په جګړو کې زیانمن شوي دي.
د نوموړي په وينا، دغه ودانۍ د ۱۰۰ زرو ډالرو په لګښت رغول کېږي.
سرچېنې د ياد شوي لګښت د تمويل سرچينه نه ده ښودلې.
بلخوا: د طالبانو ادارې په خوست کې د اوبو رسولو د څلورو پروژو د پيل خبر ورکړی او ویلي، دغه پروژې د ۱۰،۶ميليونه افغانيو په ارزښت د خوست په نادرشاه کوټ ولسوالۍ کې بشپړې شوي دي.
د خوست د کليو او پراختيا لپاره د طالبانو رييس مولوي عنایت الرحمن وويل، چې د دغو پروژو له تطبيق سره نيږدې ۴ سوه کورنيو ته د پاکو اوبو اسانتيا برابره شوه.