خبریال: حبارخیل
بیجینګ: یوې څیړنې موندلې چې د ویټامین ګولیو ډیر استعمال د سږو د وژونکي سرطان خطر زیاتوي.
په چین کې عموما، خلک د ویټامین A ګولۍ اخلي چې د خپل معافیت سیسټم او د سترګو لید ښه کړي. خو په چین کې د پیکنګ پوهنتون څېړونکو خلکو ته خبرداری ورکړی چې دغه ویټامین ګولۍ د سږو د سرطان سبب کېدای شي.
پخوانیو څیړنو ښوولې وه چې د ویټامین A ډیر مصرف د تخمدان د سرطان خطر ډیروي خو دا لومړی ځل دی چې د ویټامین A ګولۍ او د سږو د سرطان د تړاو په اړه خبرداری ورکول کېږي.
یوې څېړنې، چې پایلې یې د تغذیې د برخې په «فرنټیر» خپرونه کې خپره شوې، موندلې چې د ویټامین A ګولیو ډیر کارول د سکواموس حجرو (squamous cell) او اډینو کارسینوم (adenocarcinoma) د سږو سرطان خطر ډیروي.
د سږو سرطان په بریتانیا کې د مړینې یو لوی لامل دی، هر کال په بریتانیا کې 47,000 خلک د سږو په سرطان اخته کیږي او 34,700 یې د دې ناروغۍ له امله مري.
squamous cell carcinoma او adenocarcinoma دواړه د سږو د سرطان عام ډولونه دي، چې adenocarcinoma تر ټولو عام ډول دی.
الله رب العزت فرمایی؛ کلوا واشربوا و لا تسرفوا۰۰۰۰۰
ساینسی متخصصینو لکه چې یوه نمونه یی جبارخیل صاحب وړاندی کړی،ډیر څه موندلی، ویتامینونه مفید دی خو د ضرورت په اندازه،میانه روی او اعتدال ؛چې اسلام خپله د اعتدال دین بلل شوی.
اسلامی حکومت مسئوليت که رښتیا هم اسلام باندی عمل او د هغی په رڼا کی د انسانی ټولنی رشد،خدمت او د امت هوساینه او په نتیجه کی تقرب الی الله وی،نو نباید اذهان د خلکو په کلونو د ښځو په تعلیم مصروف وساتل شی یا ښځو ته د ماقبل اسلام بدی خاطری ور په یادشی او په منافقانه روش د تعلیم،مکتب او پوهنتون مخی ته نسواری ګازونه استعمال شی،چې افغان او اسلام د خلکو د خندا کړی۰
نو لنډه دا چې هر حکومت د ملت د صحت لپاره ټول هغه تدابیر باید ولری چې اړین دی ،یو یی لکه
انرژی او نور مضرو مشروباتو ،خواړه او درملو ، نه واردول او قاطع بندول دی،دا او دیته ورته کارونه د هغی سلګونو ایاتونو په صحیح فهم پوری اړه لری چی په سلګونو مسلم او غیر مسلم ساینسی متخصصینو ورباندی تحقیق او کتابونه لیکلی، دا د فاقدالاعتبار او مشکوکو مدرسو له سویی لوړه او نا شونی خبره ده۰