خبریال: جبارخیل
د هندي رسنیو د راپورونو له مخې، د بالیووډ په امپراتور مشهور امیتاب بچن په دې وروستیو کې په خپل بلاګ کې خپلو مینه والو ته د ټپي کېدو خبر ورکړی و. په بلاګ کې، اداکار ویلي چې د کون بنیګا کروپتي نندارې د شوټینګ پرمهال د یوې تیزې وسیلې په واسطه د هغه د چپې پښې رګ پرې شو چې له امله یې ډیره وینه وبهیدله.
امیتاب ویلي چې د رګ د پرې کېدو له امله سمدستي روغتون ته ولېږدول شو او ډاکټرانو زله ګرځېدو منع کړ.
امیتاب بچن په ټولنیزو رسنیو کې خپلو مینه والو ته د دې معلوماتو په ورکولو سره وویل چې اوس ښه دی او د اندیښنې اړتیا نشته. امیتاب بچن په دې وروستیو کې ۸۰ کلن شو، خو سخت کار او له کار سره مینه یې نن هم فعاله ساتي.
ده له خپلو ټولو مینه والو څخه غوښتنه کړې چې د هغه د عاجلې روغتیا لپاره دعا وکړي.