تاند- د افغانستان او پاکستان د کرکټ تمریني مسابقه بې نتیجې پای ته ورسیده.
افغانستان د ۶ لوبغاړو د سوځېدو او د ۲۰ اورونو په پای کې ۱۵۴ منډې جوړې کړې خو په داسې حال کې چې د پاکستان لوبډلې یې په مقابل کې په ۲ اورونو او ۲ توپونو ۱۹ منډې کړې وې، باران تیز شو او لوبه لغوه شوه.
د افغانستان لپاره تر ټولو ښه بیټنګ محمد نبي، ابراهیم ځدراڼ او عثمان غني وکړ. نبي په ۳۷ توپونو ۵۱ منډې وکړې او نه وسوځېد. عثمان غني هم په ۲۰ توپونو ۳۲ ناسوځېدلې منډې وکړې. خو ابراهیم ځدراڼ په ۳۴ توپونو ۳۵ منډې وکړې.
د پاکستان لپاره محمدرضوان په ۸ توپونو هیڅ منډه ونه کړه خو بابر اعظم په ۶ توپونو ۶ منډې وکړې. افغان باولرانو پاکستان ته ۱۳ اضافي منډې ورکړې او له همدې کبله د لوبې په پای کې د پاکستان د منډو شمېر ۱۹ شو.