تاند:(چار شنبه ،د ميزان ۲۷مه) د امریکا متحده ایالاتو جمهوري غوښتونکي ګوند يوه مخکښ سناتور مایکل مککال د ديموکراتانو له واکمن حکومت څخه غوښتي، چې له افغانستان څخه د ځواکونو د وتلو اړوند اسناد خوندي کړي.
نوموړي په دې اړه د امریکا د بهرنیو چارو وزیر انتوني بلینکن ته لیک لیکلی.
د دغه سناتور په وینا، د یادو اسنادو خوندي کول ځکه اړین دي، چې دغه پروسه ډېره فاجعه زيږونکې وه او بايد پوښتنه یې وشي.
په امريکا کې له افغانستان څخه د وتو په اړه تر اوسه لا هم ناندرۍ او بحثونه روان دي او د بایډن د حکومت منتقدین هغه له دې کبله خورا ملامت بولي.
په يو شمېر نظر پوښتنو کې موندل شوې، چې له دې کبله د ولسمشر بایډن په اړه په راتلونکو ټاکنو کې نظرونه ډېر منفي دي او بيا ولسمشر کيدل به ېې ډېر وننګوي.