تاند:(سې شنبه ،د ميزان ۲۶مه) د طالبانو ځايي چارواکو په کندز کې د پینځو داعشیانو د وژل کیدو خبر ورکړی.
د یاد ولایت د امنیې قوماندانۍ لپاره د طالبانو ویاند قاري عبیدالله عابدي وايي چې د دوی ځانګړو ځواکونو نن سهار د کندز د دوهمې ناحیې په سرک نو سیمه کې د داعشيانو پر يوه پټنځي عملیات کړي دي.
د هغه په وينا ، په ترسره شویو عملیاتو کې پنځه داعشیان وژل شوي دي.
سرچېنې د دې عملياتو نور جزییات نه دي ورکړي.
سيمه ييزو خلکو ويلي،چې د دغو عملياتو پر مهال داعشیانو څو ساعته وسله وال مقاومت کړی او ممکن طالبانو ته هم مرګ ژوبله اوښتې وي.
طالبانو په دې اړه څه نه دي ويلي.