تاند:(پنجشنبه ،د ميزان ۱۳مه) امریکايي سرچينو دغه هېواد ته د پاکستان د پوځ د مشر جنرال قمر باجوه له سفر سره هم مهاله تاييد کړې،چې پاکستان د افغانستان د هوايي څار لپاره د دوی بې پیلوټه الوتکو سره مرسته کوي.
د امریکا د بهرنیو چارو وزارت اړوند امریکا غږ رسنۍ په يوه راپور کې خبر ورکړی،چې پاکستاني چارواکو په دې لړ کې د القاعدې شبکې د مشر ایمن الظواهري په وژلو کې هم مهم رول درلود.
د امریکا متحده ایالاتو په ملي امنیت شورا کې د جنوبي اسیا د برخې پخوانۍ مسوولې ليزا کرتيس دغې رسنۍ ته ويلي،چې پاکستان په نورو داسې برخو کې هم امريکا سره مرسته کوي.
د امریکا د دفاع وزیر لویډ استين ويلي، چې د پاکستان د پوځ مشر سره ېې د پوځي او امنیتي همکاریو د پراختیا په اړه خبرې کړي دي.
پاکستاني چارواکو مخکې د افغانستان فضا ته د امریکا متحده ایالاتو د بې پیلوټه الوتکو د ماموريت سره د مرستې په اړه د افغانستان د حاکمې طالباني ادارې تورونه رد کړي وو.
د طالبانو د بهرنيو چارو وزارت سياسي مرستيال عباس ستانکزي ويلي وو، چې پاکستان د دوی خلاف اقداماتو کې امریکا سره د ملګرتيا په سر لسګونه ميليونه ډالره ترلاسه کوي.
امريکا متحده ايالاتو څو مياشتې مخکې د کابل په شېرپور سیمه کې د القاعدې شبکې د مشر ایمن الظواهري د وژلو خبر ورکړ او ويې ويل، چې نوموړی د امریکا د بې پیلوټه الوتکې په یوه برید کې وژل شوی دی.
د ملانا تقی عثمانی او د هغه کابل ته تللی وفد نتیجه ورځ تر بلی ورځی ښکاره کیږی ، اجورتی قاتلان ،