تاند:(سې شنبه ،د ميزان ۱۲مه) د کندهار لپاره د طالبانو د والي دفتر د ښار او ټولو ولسوالیو اوسېدونکو ته له خپلو موټرو د طالب مشرانو او چارواکو د عکسونو د پاکولو امر کړی.
د کندهار لپاره د طالبانو د والي دفتر په یوه اعلامیه کې ویلي:«که هرچا لګولي وه، پر چیک پاینټونو راګرځول کیږي او یاد انځورونه ورڅخه پاکیږي.»
طالب چارواکو د دې کار دليل نه دی ښودلی.
ويل کيږي،چې د طالب مشرانو زوړ نسل لا هم عکسونو سره حساسيت لري او د دیني احکامو خلاف ېې بولي.
له دې سره، د دې پریکړې دلیل د طالب مشرانو له عکسونو د ناسمې استفادې مخنیوی هم ګڼل کېږي.
د طالبانو ځوان نسل او چارواکي بیا له عکسونو، ویډیو ګانو او د ټولنیزو رسنیو په ګډون نورو عصري وسایلو سره لېواله دي او په منظم ډول ګټه ترې اخلي.