تاند:( دوشنبه ،د ميزان ۴مه) د جرمني په کولن کې د کونړ کولتوري ټولنې له خوا د کونړ سيند کلنۍمشاعره وشوه.
په دې مشاعره کې د کابل پوهنتون پخواني استاد وفاالرحمن وفا د کونړ سيند د اوبو مديريت،ډاکټر احسان الله درمل د اساسي توکیو او عارفه بشير عمر لور د نجونو د زده کړو او اړتيا پر ارزښت خبرې وکړې.
وروسته ازاده مشاعره وشوه،چې د تازه جلا وطن شویو افغان شاعرانو په ګډون پکې ګڼو شاعرانو خپل شعرونه واورول.
په افغانستان کې د جمهوري نظام له سقوط سره ازاد فرهنګي فعاليتونه او غونډې هم خورا کمرنګه شوي، خو په بهرنيو هېوادونو کې د ډېرو افغان فرهنګیانو له کډوالیدو سره فرهنګي پروګرامونه په منظمیدو ښکاري.