تاند:( دوشنبه ،د ميزان ۴مه) د ازبکستان د بهرنیو چارو وزیر ولادیمیر نوروف وايي،چې نړيواله ټولنه دې تر هر څه د افغانستان د اقتصاد ژغورلو ته لومړيتوب ورکړي.
نوموړي په تازه څرګندونو کې ټینګار کړی،چې په افغانستان کې دې د اقتصادي حالت د ژغورلو لپاره پر زيربنايي پروژو تمرکز وشي.
دده په وینا، د افغانستان د انزوا دوام به د سیمې او نړۍ د هېوادونو ته ښې پايلې ونه لري.
طالب چارواکي هم ورته څرګندونې کوي، خو د شنونکو په وينا خپله د سخت دریځو کړنو په وسيله دوی سره د نړیوال تعامل پر وړاندې خنډونه جوړوي.