تاند:( جمعه ،د ميزان اوله) په افغانستان کې د پاکستان منصور احمد خان وايي،چې پر افغانستان د طالبانو حاکمه اداره پر ډیورنډ کرښې له اغزن تار غځولو سره ستونزه نه لري.
نوموړي په یوه تازه مرکه کې دا هم ویلي،چې پاکستان او د طالبانو حاکمه اداره دواړه پر ډیورنډ کرښې د ترهګرۍ ستونزې د حلولو لپاره ګډې هڅې کوي.
د پاکستان د پخواني سفیر په وینا، طالبانو او پاکستان هوکړه سره کړې، چې پر ډیورنډ کرښې د اغزن تار د غځولو په ګډون پر «پولو» هر ډول فعاليتونه په مشوره ترسره کړي.
په افغانستان کې د طالبانو حاکمې ادارې د پاکستان د پخواني سفیر د څرګندونو په اړه څه نه دي ويلي.
منصور احمد خان،چې په افغانستان کې ېې د جمهوري نظام په وروستيو کې دنده پيل کړې وه، د نظام له سقوط وروسته د طالبانو پر جوړې شوې ادارې د ډېر نفوذ او د طالب چارواکو د ډېر استجواب او کنټرول له امله د افغانستان وايسرای ګڼل کیده.
وايسرای د پخواني بريتانوي استعمار هغو استازو ته ويل کيده،چې په مستعمرو کې ېې د بریتانیا د امپراتورۍ ځواکمنه استازولي کوله.
منصور چیری او د کومی رسنی سره مرکه کړی.