تاند:( پنجشنبه ،د سنبلې ۳۱ مه) په ايران کې مېشت افغان کډوال ورزشکارانو د دويم ځل لپاره د ايران هېواد د ماوند لوړې څوکې ته وختل.
د طالبانو تر کنټرول لاندې د افغانستان د ورزش او بدني روزنې اداره وايي، دغه افغان غرختونکي د دوماند “٥٦٧١” متره لوړې څوکې ته د دويم ځل لپاره ځانونه ورسول.
د سرچینې د معلوماتو له مخې ،د افغانستان غرختونکو لوبډلې په ترکيب کې د سيد محمدولي زاده په مشرۍ لس تنه ورزشکاران شامل وو.
سرچینې په دې اړه نور جزییات نه دي ورکړي.
څو مياشتې مخکې يو افغان غر ختونکی د پاکستان لوړې څوکې ته د افغانستان له ملي بیرغ سره ختلی و ، چې د را لویدو او مړینې خبر ېې ورکړل شوی و.