تاند:( پنجشنبه ،د سنبلې ۳۱ مه) په غلام خان بندر کې د اتلس نیم میلیونه افغانیو په لګښت د مسافرینو لپاره د تمځای جوړیدو بنسټ ډبره کېښودل شوه.
د طالبانو کورنيو چارو وزارت مطبوعاتي دفتر وايي،چې یاد تمځای د دغه وزارت په همکارۍ جوړیږي.
د خوست لپاره د طالبانو والي مولوي محمد نبي عمري او ورسره مل پلاوي د شرکت استازو ته سپارښتنه کړې دغه تمځای د قرار داد مطابق په معیاري ډول جوړ کړي.
د طالبانو د اعلاميې له مخې، د یاد تمځي کار به په اووه میاشتو کې پای ته ورسیږي.
د طالبانو کورنيو چارو وزارت نه دي ويلي،چې د تمځایونو له جوړیدو سره د دغه وزارت کاري تړاو څه دی؟
خبري سرچېنې وايي،چې د غلام خان بندر د ژر فعاليدو لپاره د طالبانو د کورنیو چارو وزیر مولوي سراج الدين حقاني ډېرې هڅې کوي او له همدې کبله به د طالبانو د کورنیو چارو وزارت بوديجه پر ياد شوي تمځای مصرفیږي.