تاند:( پنجشنبه ،د سنبلې ۳۱ مه) د طالبانو د کورنيو چارو سرپرست وزير مولوي سراج الدين حقاني د افغان کرکټ ملي لوبډلې لوبغاړو سره وکتل.
د ملا حقاني مطبوعاتي دفتر وايي،چې نوموړي د ملي لوبغاړو د تېرو ښو لوبو د ستاينې سربېره د د راتلونکو سياليو لپاره هم د خپل بشپړ ملاتړ په ښودلو سره هغوى وهڅول.
سراج الدين حقاني دغه ملي لوبغاړي په نړيوالو ډګرونو کې د هيواد او ولس استازي وبلل او هيله يې څرګنده کړه چې د تل په څېر دې د ښو لوبو تر څنګ په خپلو ټولو کړنو کې د يو وياړلي مسلمان هيواد او ولس غوره انځور وړاندې کړي.
سرچينه زياتوي،چې د کرکټ ملي لوبغاړو په ياده ناسته خـوښي وښوده او د حقاني د هراړخيز ملاتړ او هڅونې څخه يې مننه وکړه.
د کرکټ ملي لوبډلې تازه په اسيا کپ سياليو کې د اسيا له پياوړو لوبډلو سره لوبې وکړې.
تمه ده،چې دغه لوبډله نن د ٢٠٢٢ کال نړيوال جام کې چې راتلونکې مياشت پيليږي د ګډون لپاره خپل سفر پيل کړي.