تاند:( شنبه،د سنبلې نولسمه) د طالبانو د حج او اوقافو وزیر شیخ نورمحمد ثاقب په یوه خبري کنفرانس کې وویل؛ سږ کال د حج په پروسه کې له هر حاجي څخه ۴ زره او ۱۳۰ ډالر اخیستل شوي وو.
نوموړی زیاتوي،چې یوازې ۳ زره او ۶۱۴.۶۲ ډالر یې مصرف شوي او پاتې پیسې بېرته حاجیانو ته ورکول کېږي.
د نوموړي په وینا؛ هر حاجي ته ۵۱۵.۳۸ ډالر بېرته ورکول کېږي.
يو شمير خلکو په دغو لګښتونو کې د طالبانو د سپما هڅې ستایلي،خو ویلي چې سپما شوې پیسې دې په فقر ځپلو افغانانو ووېشل شي.
د نړيوال خوراکي پروګرام په یوه تازه راپور کې راغلي،چې ۸۹ سلنه افغانان کافي خورو ته لاسرسی نه لري.