تاند:(يکشنبه،د سنبلې ديارلسمه) د ملګرو ملتونو د کډوالو عالي کميشنرۍ ویلي،چې په پاکستان کې د وروستیو سېلونو له کبله ۴۲۰زره افغان کډوال هم زيانمن شوي،چې تر اوسه ېې هیڅ کوم لاسنيوی نه دی شوی.
دغې کميشنرۍ له افغان کډوالو سره د عاجلو مرستو غوښتنه کړې ده.
ويل شوي،چې دغه کډوال په خیبر پښتونخوا،سند او بلوچستان ايالتونو کې زيانمن شوي.
پاکستان په وروستيو کې سختو سیلونو وځپه.
پاکستاني چارواکو ويلي ،چې د سیلونو له کبله ۱۱۰۰تنه مړه شوي،۱۶۰۰تنه نادرکه دي او ۳۳میلیونه تنه نور زيانمن شوي دي.
په وروستيو کې افغانستان هم د طبیعي پېښو له کبله سخت ځپل شوی،چې د طالبانو حاکم رژیم یې مالي زیانونه ۲میلیارده ډالره اټکل کړي.