تاند:(يکشنبه،د سنبلې ديارلسمه) د طالبانو د ټولګټو وزارت چارواکو وویل،چې د یو کلنې واکمنۍ په موده کې ېې ۱۸۳۱ کیلو متره سړکونه، ۱۰۰۰ متره پلونه او ۱۱۴۷ متره استنادي دېوالونه، ترمیم او رغول شوي دي.
د ياد شوي وزارت تخنیکي مرستیال، مولوي عبدالکریم فاتح وویل: تېر کال کې د ۶۵ کیلومترو په اوږدوالي او د څه باندې ۶۹میلیونه افغانیو په ارزښت،دکابل–کندهار لویې لارې میلینګ کاري، د۶میلیونه افغانیو په ارزښت د قلات شینکۍ سړک او پلچکونو داغ نیونه، د۱۵۵ مترو په اوږدوالي او ۱۵ میلیونه افغانیو په ارزښت، د ۵ پلونو ترمیم او د ۳۰ کیلومترو په اوږدوالي او ۴۸ میلیونه افغانیو په ارزښت، دکابل- میدان ښار سړک د ترمیم چارې بشپړې شوي دي.
د هغه په خبره، په اساسي ډول د ۳۰ کیلو مترو په اوږدوالي د سالنګ لویې لارې د ترمیم لپاره هم اړین چمتووالی نیول شوی او په تېر یوه کال کې ۱۲۵۴۸ کیلومتره سړکونه له واورو او رسوبي موادو څخه پاک شوي دي.
د ټولګټو وزارت د مسوولينو په خبره، د ۱۸۴ نویو او ۵۳۸ تخریب شویو پلچکونو، ۲۳ پلونو او ۶۱۰ متره استنادي دېوالونو د سروې او ډیزاین چارې بشپړې شوي او وروستي یوه کال کې ۱۸۳۱ کیلومتره سړکونه، ۱۰۰۰ پلونه، ۴۰۴ متره استحکامي پلونه، ۱۱۴۷ متره استنادي دېوالونه ترمیم او رغول شوي، دغه راز ۱۱۴۲ کیلومتره سړکونه هم پاک شوي دي.
د وزارت مسئولین زیاتوي، د لوړ تناژ لرونکو موټرونو د کنترول په موخه، په ۱۷ ولایتونو کې ۳۲ تلې نصب او فعالې شوي او ډېر ژر ۲۱ نورې تلې هم نصب او فعالې شي.
د مسئولینو په وینا، د موسمي سېلابونو راوتو له امله، شاوخوا ۲۹ کلیومتره سړکونه، ۲۰۱ متره پلونه، ۶۹ پلچکونه، ۱۵۹۵ د اوبو مسیرونه او ۸۷۵۸ متره استنادي دېوالونه، تخریب شوي دي.
د راپور پر بنسټ، په لغمان کې د ۱۰۰ متره پلونه ترمیم، په هلمند کې د ۳۶ کیلومتره سړکونو ترمیم، په کونړ کې د ۱۰۲ متره پلونو ترمیم، په سمنګانو کې ۱۴۳ متره پلونو ترمیم، په غزني کې د ۵۴ کیلومتره سړک جغل اچونه، په بامیانو کې د ۵ کیلومتره سړکونو پاکول، په ننګرهار کې د ۱۷۰ متره استنادي دېوال ترمیم، په بلخ کې د ۳۱ کیلومتره سړکونو پاکول، په تخار ولایت کې د ۱۰ کیلومتره سړک جغل اچونه، په بادغیس کې د ۸۹ کیلومتره سړک جغل اچونه، په پکتیکا ولایت مربوطاتو کې د ۳۹۲ کیلومتره سړکونو پاکول، په سرپل کې د ۴۵ کیلومتره سړک ترمیم، ارزګان کې د ۲۳ پلچکونو ترمیم، په لوګر ولایت کې ۲۸ کیلومتره سړک داغ نیونه، په جوزجان ولایت کې د ۲۳۷ کیلومتره سړکونو ترمیم، په بدخشان ولایت کې د ۳۱ کیلومتره سړک جوړول، کاپیسا ولایت کې د ۴۴ اوسپنیزو پلونو ترمیم، فاریاب ولایت کې د ۵۰ متره استنادي دېوال جوړول، په خوست ولایت کې د ۱۵ کیلومتره سړک ترمیم او کابل کې د ۱۵ کیلومتره سړک ترمیم، په میدان وردګو ولایت د ۱۲کیلومتر سړک جغل اندازي، د ډایکنډي د ۴۶۰ کیلومتره لویې لارې پاکول، د ۱۶۲ متره استنادي دېوالونو جوړول او د هرات- اسلام کلا لویې لارې ترمیم، په تېر کال کې د وزارت مهمې کړنې دي.