تاند:(جمعه،د سنبلې يوولسمه) د پلازمېنې کابل په ګډون د هېواد په يو شمېر ولایتونو کې د زلزلې خبر ورکړل شوی.
خبري سرچينو ويلي،چې دا زلزله په سمنګان،بغلان،پنجشېر او کاپیسا ولایتونو کې محسوسه شوې ده.
د دغې زلزلې شدت ډېر نه دی ښودل شوی او تر اوسه ېې د احتمالي زیانونو خبر نه دی ترلاسه شوی.
له څو مياشتو راهيسې د افغانستان په مختلفو برخو کې د طبیعي پېښو له کبله د ډېرو مالي او زيانونو خبر ورکړل شوی.
له دې پېښو څخه تر ټولو خونړۍ ېې په پکتيکا او خوست ولايتونو کې زلزلې وې،چې شاوخوا يو نيم زر تنو د مرګ ژوبلې خبر ورکړل شوی و.
د طالبانو د رژيم چارواکو پرون وويل،چې افغانستان د وروستيو طبيعي پېښو له کبله شاوخوا دوه میلیارده ډالره زيان ليدلی.
د طالبانو د بهرنيو چارو وزير مولوي امیرخان متقي له نړيوالو وغوښتل،چې له افغانستان سره دې بشري مرستې نه سياسي کوي او دا مرستې دې ترسره کړي.