تاند( دوشنبه، د سنبلې اوومه) د هلمند د ناوې ولسوالۍ په هزاراسف سیمه کې د اوبو پر سر د شخړې له امله ۴۰ تنه ټپیان شوي.
په هلمند کې د طالبانو د اطلاعاتو او کلتور رییس راشد هلمندی ويلي، چې دغه نښته پرون ناوخته له لفظي شخړې پيل شوې او د ۴۰ تنو د ټپي کیدو سبب شوې ده.
د طالب چارواکو د معلوماتو له مخې، د يادې نښتې عاملین نیول شوي.
طالب چارواکو د دغې نښتې په اړه نور جزییات نه دي ورکړي.
د اوبو او نورو کلیوالي مسایلو په اړه د خلکو مرګونې شخړې په افغانستان کې اوږده سابقه لري او ډېر ځله ېې د ورته پېښو خبرونه ورکړل شوي.