تاند( دوشنبه، د سنبلې اوومه) د پاکستان د بهرنيو چارو وزارت د طالبانو د دفاع وزیر ملا یعقوب وروستيو څرګندونو ته توند غبرګون ښودلی.
د پاکستان د بهرنيو چارو وزارت وياند ويلي،چې د پاکستان خاوره په افغانستان کې د امریکا د بې پیلوټه الوتکو د ګرځنده څارنې لپاره نه استعماليږي.
هغه په دې اړه د ملا یعقوب مجاهد تورونه بې بنسټه ګڼلي دي.
پاکستاني ویاند په ورته وخت کې د ملا یعقوب مجاهد څرګندونې د خواشينۍ وړ او د رسمي دریځ څرګندولو د اصولو پر خلاف ګڼلي دي.
د طالبانو د دفاع وزیر ملا یعقوب مجاهد پرون په یوه خبري ناسته کې وويل،چې پاکستان امریکایي بی پیلوټه الوتکو ته د افغانستان د فضایي څارنې لپاره خپله خاوره په واک کې ورکړې ده.
نوموړي له پاکستان څخه د دغه کار د پای ته رسولو غوښتنه وکړه.
ځينې شنونکي فکر کوي،چې له دې وروسته ښايي پاکستان د ملا یعقوب مجاهد خلاف په ځینو اقداماتو لاس پورې او نوموړی تخریب کړي.
یعقوب مجاهد نه دي ويلي،چې که پاکستان د افغانستان د خاورې د څارنې لپاره د امريکا له بې پیلوټه الوتکو سره خپله همکاري پای ته ونه رسوي، د دوی غبرګون به ېې پر وړاندې څه وي.
پاکستان کی پنچابی حکومت رښتبا ویلی ، اصل کی د بلوچستان او پختون خوا خاوره استعمال شوی ، چه پاکستان پوری اړه نلری
اوس بايد افغانان د ملا يعقوب ملاتړ وکړي.