تاند( جمعه ، د اسد ۲۸ مه) د افغانستان د پرزول شوي نظام د ملي امنیت سلاکار ډاکټر حمدالله محب په کندهار کې د طالبانو په ملاتړ جوړه شوې پرونۍ غونډه کې د طالب مشرانو ويناوو ته غبرګون ښودلی.
نوموړي په خپله ټویټر پاڼه کې لیکلي:« د طالبانو مشران، چې څومره ډیر وغږیږي، هغومره یې له وضعیت نه ناخبري، په حکومت دارۍ نه پوهیدل، داخلي اختلافات او د واک له بایللو وېره را ښکاره کیږي.»
حمد الله محب زياتوي:«د کندهار په جلسه کې ددوی خبرې او نصیحتونه یې غوره بېلګه ده. دیوې طبقې لخوا دواک انحصار ولس مجبوروي، چې دخپل حق لپاره اقدامات وکړي.»
د محب نیوکې په داسې حال کې دي،چې د پرونۍ غونډې په حواله د طالبانو د مشرانو رسنیزې شوې خبرې د دوی یو شمېر نورو منتقدینو هم ضد و نقیضې ګڼلي دي.
له دې سره، حمدالله محب الله محب ته هم پر ټویټر پاڼې یې له دغو څرګندونو سره خلکو توندې تبصرې لیکلي او ویلي،چې د دوی د حکومتولۍ پوهه، له وضعیت څخه خبرتيا او د هر څه پایلې یې هم ټولو ولیدې او بيه یې ملت پرې کوي.