تاند( چار شنبه ، د اسد ۲۶ مه) د افغانستان د بې واکه شوي ولسمشر محمد اشرف غني لومړي مرستيال امرالله صالح په يوه مرکه کې امریکا متحده ایالات د سولې بهير په نوم د افغانستان د نظام پرزولو په دسیسې تورن کړ.
نوموړي وويل،چې په دې برخه کې له خپلو مسوولیتونو انکار نه کوي،خو په لوی تصویر کې ټوله لوبه امریکایانو د خپلو ستراتیژیکو ګټو او پروګرامونو لپاره تر سره کړه.
د صالح په وینا، امریکا د خپلو ادعاوو خلاف ترهګر په ښو او بدو سره وېشلي او خپلو ملګرو ترهګرو ته ېې،چې مخکې ېې نقدي جایزې پرې ټاکلې وې اوس یې لس تنو ته د يوه هېواد د حاکم رژیم په کابینه کې د وزارتونو په کچه د دندو اجازه ورکړې ده.
امرالله صالح له بي بي سي سره په دې نوې مرکه کې امریکا په دې هم تورنه کړه،چې له افغانستان سره د بشري مرستو په نوم کابل د څلويښت ميليوني ډالرو په اونيزو مرستو،چې د مصرف څارنه یې نشته، د طالبانو د رژيم په ملاتړ کې ونډه اخلي.
صالح ټینګار وکړ،چې د افغانستان له فقر ځپليو خلکو سره بايد پریمانه بشري مرستې وشي، خو په دې مرستو کې دې طالبان نقش نه لري او د مصرف نظارت یې باید موجود وي.
د هغه په خبره، طالبان د دغو مرستو په ویش کې توپیري چلند کوي.
امرالله صالح په دې مرکه کې طالبان وننګول،چې د شفافې ټولپوښتنې او ټاکنو له لارې دې خپل محبوبیت وازمايي او که ملت دوی ته مشروعيت ورکړ، دی به له وسله وال مخالفته لاس په سر او د طالبانو واکمنۍ ته غاړه کېږدي.
مخکې بې واکه شوي ولسمشر محمد اشرف غني او د ولسمشريزې دوری نورو چارواکو ېې هم د افغانستان د نظام د سقوط اصلي پړه پر امريکا اچولې وه.
امريکايي چارواکو بيا له افغانستان څخه د ولسمشر غني ناڅاپي وتل او د طالبانو پر وړاندې د افغان ځواکونو نه مقاومت د سقوط اصلي لاملونه ګڼلي.
عام افغانان په جمهوري نظام کې پراخ فساد، د جنګسالارانو او بهر نه راغلو څیرو انحصاري واک او د امریکا او نورو هېوادونو ستراتيژیکې موخې او لوبې د دوی د بې نظامه کیدو اصلي لاملونه بولي.
امرالله صالح يو روسانه او په زرغرده انسان دى. امريكا او پاکستان د جمهوريت په راپرحولو کی مهمه ونده لرله.
امریکا د خپل وفادار لاس پوسی پاکستان په لمسون د خپلو شومو ګټو د خوندی کولو لپاره لوی وحشت او تور جهالت په افغانستان حاکم کړ. دوۍ خپلی ګټی خوندی کړی خو د خوار افغان نه يی هغه ټول حقونه واخستل چی په خپل کور کی د عزت ژوند تیر کړی. خپل اولادونه د علم په وسله سمبال کړی او د خپل حلال رزق د پیداکولو لپاره د پردو په دروازوکی ونه دریږی.
د افغانستان ټول ولس ددې فاجعی په رامنځته کولو کی خپله خپله ونډه او مسولیت لری او نه شی کولی چی پړه يی په یو او بل واچوی.
د اردو ړنګول او د جمهوریت سقوط د پاکستان شرطونه وو چي امریکا د دوحې خبرو د مخه د پاکستان سره منلي وو. د ملا برادر ایله کول هم وروسته له دغه پرېکړي واقع سول. اصلي خبري په جي ایچ کیو راولپنډی کي کېدلې نه په دوحه کي، کنه نو څه ضرورت و چي خلیلزاد ۱۲ یا ۱۳ ځله اسلام آباد ته سفر وکړي. دغه تړون باید د راولپنډی تړون وبلل سي نه د دوحې تړون.
امریکا او پاکستان له اول ملګری وو . زموږ وطن دوست با ایمان افغانان یی قتل کړه . دا جنګ نه تروریستانو سر وو نه طالبانو سر . دا جنګ له افغان ولس او وطن دوست رهبرانو سر وو .
داجګړه دافغان اولس دغرور، فرهنګ اوملي نواميسو دځپلو دپاره وه طالب يوازى داجير رول پکښې اداکړ امريکا دسيمي دهيوادونو سره چي په سرکي يې پاکستان دى خپل هدف ته ورسيده