تاند( چار شنبه ، د اسد ۲۶ مه) د طالبانو د دفاع وزارت ويلي،چې خپل ياغي شوی قومندان مولوي مهدي یې ايران ته د تېښتې پر وخت له دغه هېواد سره په ګډه پوله کې وژلی دی.
د طالبانو د دفاع وزارت په یوه اعلامیه کې راغلي،چې مولوي مهدي د افغانستان او ايران په ګډه پوله کې وژل شوی.
معلومه نه ده،چې نوموړی په قانوني يا ناقانونه توګه ايران ته تلونکی و.
مولوي مهدي د طالبانو په لیکو کې د دوی تر ټولو مهم هزاره قومندان و،چې د طالبانو له واکمنيدو سره د باميان د استخباراتو رییس ټاکل شوی و.
هغه له دندې تر ګوښه کیدو له طالبانو څخه ناراضه او د سرپل په بلخاب ولسوالۍ کې خپل پلرني کلي ته لاړ.
مولوي مهدي په بلخاب کې خپل وسله وال منسجم او د طالبانو په لیکو کې د عدالت د تامين او حق غوښتنې په نوم داخلي مبارزه پیل کړه.
طالبانو د نوموړي له نارضايتۍ وروسته، هغه ته د پخلاينې لپاره څو پلاوي واستول او د ښار جوړونې وزارت مرستيالي یې ورته وړانديز کړه.
مولوي مهدي د طالبانو د هیئتونو وړاندیزونه او کابل ته د تګ غوښتنې رد کړې،چې طالبانو یې بالاخره پر ضد عملیات وکړل او جنګي جبهې ېې ورختمې کړې.
هغه له څه مودې راهيسې نادرکه و، خو يو ځل ېې د يوه غره له څوکې د جمهوري نظام د اطلاعاتو او فرهنګ سرپرست وزير طاهر زهیر سره،چې د ايران سپاه پاسداران ته په کار کولو تورن و، ګډ عکسونه خپاره شول.
مولوي مهدي، سره له دې چې طالب و، خو د قومي اړيکو له مخې ېې ډېرو طالب ضدو هزاره فعالانو ملاتړ کاوه.
هغوی تر اوسه د نوموړي د وژل کیدو په اړه غبرګونونه نه دي ښودلي.
کاشکې دا غله احمق غله پښتانه هم داسې د یوو اوبل څنګ ته ودریږي !!