تاند( سې شنبه ، د اسد ۲۵ مه) په غزني کې د طالبانو ځايي چارواکي وايي،چې د سېلاوونو له امله په دې ولايت کې دوه ښځې او درې ماشومان مړه شوي.
په غزني کې د طالبانو د اطلاعاتو او فرهنګ رئیس مولوي حبیب الله مجاهد وایي چې پرون ناوخته د ګیلان ولسوالۍ په مطیع پُل سیمه کې یو ۵۸۰ ډوله مسافر وړونکی موټر په سېلاوونو کې ایسار شوی چې له امله یې د دوو ښځو په ګډون دریو ماشومان ژوند له لاسه ورکړی دی.
نوموړي په دې اړه نور جزییات نه دي ورکړي.
په وروستيو ورځو کې د افغانستان له مختلفو ولايتونو څخه د سېلاوونو او نورو طبيعي پېښو خبرونه زیات شوي.
افغانستان سږ کال د طبيعي پېښو له کبله ډېر تلفات تجربه کړل.