تاند( چار شنبه ، د اسد ۱۹ مه) د طالبانو ادعا شوي مشر ملاهبت الله اخوندزاده( چې دوی یې امیرالمؤمنین ګڼي) په يوه منسوب فرمان کې دافغانستان د ۲۰ کلنې جګړې د طالب قربانیانو او نادرکه شویو کسانو په اړه سپارښتنې شوي .
د طالبانو د واکمنۍ ویاند ذبیح الله مجاهد ويلي،چې دغه فرمان ترډیره د ورثه و ترمنځ د دغو نادرکه شویو کسانو ترشاه د پاتې شویو جایدادونو د ترکه کیدو پرڅرنګوالي او د هغو د کونډو پر مدني وضعیت څرخي.
د فرمان له مخې، حنیفي فقه حکم کوي، هغه کسان چې په جنګونو یا هغو ځایونو کې ورک شوي چې د مرګ احتمال یې ډیرزیات دی او ډیروخت هم په تیرشوی وي نو هغه مړحسابیږي.
د دغه فرمان په یوه برخه کې دغه راز ویل شوي چې د محکمې ترحکم وروسته به د شهیدانو جایدادونه او ملکیتونو د شریعت د احکامو له مخې د دوی پر ورثو باندې ویشل کیږي.
د افغانستان په شل کلنه جګړه کې د وژل شويو او ټپي شویو طالب جنګياليو شمېر تر اوسه نه دی په ډاګه شوی.
د حقاني شبکې مشر او د طالبانو د کورنیو چارو وزیر سراج الدين حقاني څو ورځې مخکې وويل،چې د طالبانو د ۲۰ کلنې جګړې ټپيان به اول په هېواد دننه ښه تداوي کړي او که اړتيا پېښه شوه، بهرنيو هېوادونو ته به ېې واستوي.