تاند( شنبه ، د اسد ۱۵ مه) د کرکټ ملي لوبډلې پياوړی لوبغاړی راشد خان په پکتیکا کې ۲۵ کورنیو ته کورونه جوړوي.
د باختر اژانس په یوه راپور کې راغلي چی یاد شوي کورونه دپکتیکا د برمل ولسوالۍ د ارچې په کلي کې جوړېږي.
د سرچينې د معلوماتو له مخې،د یادو کورونو د رغولو چارې نن پيل شوې.
د جوړيدونکو دغو کورونو د لګښت او نورو جزيياتو په اړه تر اوسه څه نه دي ويل شوي.
راشد خان مخکې هم په مختلفو سيمو کې ورته خیریه چارې ترسره کړي،چې د خلکو له پراخ هرکلي سره مخامخ شوي دي.