تاند(جمعه، د اسد ۱۴مه) د پکتیکا ځوان فعالان وایي چې په افغانستان واکمنو طالبانو د پکتیکا ولایت د برمل ولسوالۍ اوسېدونکی افغان مبارز فاتح جان پښتین تښتولی او نامعلوم لوري ته یې ورسره وړی دی.
په ښاغلي پښتین تور لګېدلی چې د کرکټ د سیالیو په ترڅ کې یې د افغانستان ملي بیرغ پورته کړی او ملي سرود یې غږولی وو.
تر اوسه پورې، د طالبانو د هغه د ځای ځایګي په هکله څه نه دي ویلي.
د طالبانو ډله چې ځانونه د افغانستان حکومت بولي خو تر اوسه پورې یې حکومت هېڅ بهرني هېواد په رسمیت نه پېژندلی، د تېر جمهوري نظام په راپرځولو سره د افغانستان ملي بیرغ او اساسي قانون تر پښولاندې کړل او د ملي اردو او ملي پولیسو په شمول ګڼ شمېر بنسټونه یې منحل اعلان کړل.
په طالبانو باندې تور دی چې یوازې د پاکستان د پوځ او استخباراتي ادارو یا د هغوی له مامورو ملایانو سره ښې اړیکې لري او د هر هغه افغان پر ضد په تشدد سره اقدام کوي چې د افغانستان د ملي ګټو لپاره کار کوي.
د رسنیو راپورونه ښیي چې تر دې مخکې هم، واکمنو طالبانو د عظیم او عماد په نومونو دوه قلموال او ځوان سیاستوال چې په افغانستان کې د پاکستان د لاسوهنې پر ضد یې غږ پورته کړی وو، نیولي وو چې تر اوسه پورې یې د مړو او ژوندیو درک نه لګیږي.
کارپوهان وایي چې د یوه هېواد ملي بیرغ یوازې هغه وخت راغورځول کیږي او په کارولو یې بندیز لګول کیږي چې هېواد د بهرنیو له خوا اشغال کړای شي، خو طالبانو تر اوسه پورې د افغانستان په ملي بیرغ چې په مقدسه کلمه ښکلی شوی دی، د بندیز وضاحت نه دی ورکړی.
کله چی سپی لیونی شی نو بیا هرڅوک داړی او د روغ اورنځور او خپل او پردی فرق نه شی کولی. نو خلک پوه شی چی سپی لیونی شوی او د ختمولو پرته بله لار نه لری.
د تالب نه هم لیونی سپی جوړ شوی دی او پرته له ختمولو بله هیڅ لار نه لری.
افغانانو ددې لیونی سپی نه د ځان خلاصولو لاری چاری ولټوۍ ګنی تاسو ټول لوی واړه، نر او ښځی به خامخوا یوه ورځ وداړی. لیونی سپی بل هیڅ علاج نه لری.