تاند( جمعه ، د اسد ۱۴ مه) د طالبانو د اوبو او انرژۍ وزیر مولوي عبدالطیف منصور کندهار ته په سفر کې د دغه ولایت له والي سره په کتنه کې ویلي چې له انجنیرانو او مسلکي ټیمونو سره یوځای ارغستان ولسوالۍ ته سفر کوي چې هلته د شنه نري او لوړې دوه مهم بندونه ژر تر ژره جوړ کړي.
د نوموړي خبره، د بندونو په جوړېدو کې ورسره سوداګر هم د توان تر کچې مالي همکاري کوي.
طالب وزير او خبري سرچينو په دې اړه نور جزییات نه دي ورکړي.
طالبان په وروستيو کې د اوبو د مختلفو بندونو د جوړېدو په اړه د هڅو خبر ورکوي،خو خلک ېې د هڅو پایلو ته په دې خوشبين نه ښکاري،چې دوی اړونده ادارې له مسلکي کادرونو تخلیه کړي او پر ځای ېې خپل ملایان او جنګيالي ګومارلي.