تاند( چار شنبه ، د اسد ۱۲ مه) د طالبانو امنیتي چارواکو د کابل په کارته سخي سیمه کې د خپلو نننیو خونړيو عملياتو جزييات خپاره کړل.
د طالبانو د اعلاميې له مخې، په عملیاتو کې د داعش ډلې یو پټنځی له منځه وړل شوی.
د طالب سرچینو په حواله، په ترسره شویو عملیاتو کې څو تنه داعشيان وژل شوي او یو غړی یې نیول شوی دی.
سرچينه زياتوي، چې د دغو عملياتو پر مهال د يوې ښځينه پوليسې په ګډون د طالبانو دوه امنيتي ځواکونه وژل شوي او ۴تنه نور ېې ټپيان دي.
ځايي سرچينو بیا ويلي،چې د دغو عملياتو پر مهال داعش ډلې د طالبانو پر وړاندې جدي مقاومت کړی او د دواړو لوريو ترمنځ درنه نښته شوې ده.
د طالبانو وياند ذبيح الله مجاهد وايي، داعشیانو پلان درلود تر څو له ياد مرکز څخه په هغو شیعه هیوادوالو بريد ترسره کړي چې د محرم په ورځو کې د کارته سخي په زيارت کې راټولیږي او شمیر یې زرګونو ته رسيږي.
داعش( هم )یوه امريکائي – یهودۍ پروژه ده.
الله تعالی دی دا دواړه وحشی او د انسانیت قاتلی ډلی په خپل منځی جګړو کی تباه او برباد کړی چی افغانستان او افغانان يی له شره خلاص شی.
د ظالمانو انجام له نابودی، رسوايی او شرمنده ګۍ نه پرته بل څه نشته.