تاند( دوشنبه ، د اسد ۱۰ مه) په لغمان کې د طالبانو د استخباراتو ریاست ویلي، چې منسوبینو ېې د یاد ولایت په علینګار ولسوالۍ کې يوه ماشومه د تښتونکو له منګولو ژغورلې ده.
د طالبانو د استخباراتو ادارې په یوه اعلامیه کې راغلي، چې د نیلوفر په نوم دغه ماشومه چې د یادې ولسوالۍ له مسکین اباد کلي څخه تښتول شوی وه.
سرچينه زياتوي، چې د دوی منسوبینو د انسان تښتوونکو له منګولو دا نجلۍ وژغورله او خپلې کورنۍ ته یې وسپارله.
د طالبانو استخباراتو په یوه خپره کړې ویډیو کې يو تورن کس هم ښودلی، چې ځان د نورستان د نورګرام ولسوالۍ اوسیدونکی بولي او د دغې نجلۍ په تښتولو اعتراف کوي.
د طالبانو له واکمنيدو سره، د اختطاف پېښې له ښارونو څخه کلیوالو سیمو ته هم غځیدلي دي.