تاند( دوشنبه ، د اسد ۳ ) د پاکستان ډاون ورځپاڼې په یوه تازه راپور کې ویلي، چې کابل ته د پاکستان د پوځي استخباراتو ادارې د استازو په ګډون د دوی د ورغلي پلاوي د سفر پر مهال هوکړه شوې، چې طالبان به پاکستان ته د ارزانه او پریمانه ډبرو سکرو له صادرولو سره د ډبرو په سکرو د پاکستان د بريښنا توليدولو څو شبکې روښانه ساتي.
د ورځپاڼې د معلوماتو له مخې، دا پریکړه په داسې حال کې شوې، چې په نړیوال بازار کې د ډبرو سکرو بېې پورته شوي او له دغو سکرو د بریښنا تولیدولو لړۍ ستونزمنه شوې ده.
ډاون ورځپاڼه وايي، مخکې یوازې د چمن په لاره په محدوده اندازه پاکستان ته د افغانستان د ډبرو سکاره صادریدل، خو په نوي توافق کې هوکړه شوې، چې د غلام خان او خارلاچي په لارو به هم پاکستان ته د افغانستان د ډبرو سکاره صادريږي.
پاکستان هیله من دی، چې له دې توافق سره به يې د بریښنا د تولید کچه لوړه او ارزانه شي.
طالبانو په دې اړه څه نه دي ويلي، خو څو ورځې مخکې د حقاني شبکې مشر مولوي سراج الدين حقاني، چې د طالبانو د کورنیو چارو وزیر هم دی، خوست ته په دې موخه په سفر تللی و، چې د غلام خان بندر له لارې پاکستان سره د سوداګرۍ د زياتوالي چمتووالی تنظیم کړي.
د طالبانو چارواکي تورن دي، چې پاکستان د افغانستان د یرغمل کولو او لوټلو لپاره واک ته رسولي، خو طالبان ټینګار کوي چې دوې خپلواک دي او د ملي ګټو په اساس تعاملات کوي.
طالبان هېڅکله خپلواک نه دي او د افغانستان د يرغمل او لوټلو لپاره واک ته رسول شوي.
ټالبانو باندې د کاڼه کیسه ده . کوڼ یې په ک …. غوو، ده په غوږو نه اورېده .
استعمار تور وي ، که سپین .
چې پنجاب څه ورته وایی ، دوی یې د سر په سترګو اجراکوي . پرون پنجابیانو د افغانستان د پوځ د روزلو په هکله غونډه هم جوړه کړې وه .
علمی او تخصصی مراکز د پاکستان د سکرو معادن د افغاستان په مقایسه څو چنده زیات ښودلی ،خو دا عاجله خریداری ،سریع انتقالات،نوی بنادر زیاتول بی له لوټ او د خایڼ شرانګیز ظالمانو سره
ډ جوال د خولی له نیولو پرته ،بله معنا درلودی شی؟