تاند( چار شنبه ، د سرطان ۲۹ ) د کابل ولايت لپاره د طالبانو د استخباراتو ریاست وايي چې په ۳۱۵ فامیلي سیمه کې یې د داعش ډلې پر مرکز عملیات ترسره کړي.
د طالبانو د خبرپاڼې له مخې، د دغو عملياتو په پایله کې دوه تنه داعشيان وژل شوي او درې مهم بهرني غړي یې نیول شوي.
طالب چارواکو ويلي، چې له یاد مرکز څخه د خراسان غږ مجلې د تاجکي ژبې برخې نشرات تنظیمیدل او خپرېدل.
په وروستيو ورځو کې د داعش ډلې د فعالیتونو د زیاتېدو تر څنګ د يادې ډلې خلاف د طالبانو د فعاليتونو د زياتيدو خبرونه ورکړل شوي.
داعش ډلې د يادو خبرونو په اړه څه نه دي ويلي.