تاند( چار شنبه ، د سرطان ۲۹ ) په هرات کې د زړو افغاني بانکنوټونو د زياتوالي په غبرګون کې مختلفو کاروباري ډلو د کار بنديز اعلان کړی.
دغو ډلو ويلي، چې له دې کبله يې چارې سختو ستونزو سره مخ دي او حاکمه اداره بايد د ستونزې د حل لپاره لاس په کار شي.
تازه په هرات کې د خوراکي توکيو د پلورلو ټولنې خپل کار بنديز اعلان کړی او ويل شوي، چې د خصوصي سکتور نورې ډلې هم دغه کار بنديز سره د ملګري کيدو په حال کې دي.
تر دې مخکې د هرات د صرافانو او نفت پلورونکو ټولنو هم ورته کار بنديز اعلان کړی و.
د افغانستان په نورو ډېرو ولايتونو کې هم د افغاني بانکنوټونو د زړښت ډېر شکايت شوی.
طالبانو په دې اړه څه نه دي ويلي.
حکومت چلول یواځې په رنجرو سپریدل او ټوپکونه غاړی ته اچول ندی، یواځې په دولتی ودانیو ورننوتل هم ندی، آن داچی د …. ته حاضری ورکول هم ندی، بلکی حکومت یعنی خدمګذاره اداره، حکومت یعنی دپرمختیا او هوساینی لار موندل ، حکومت یعنی لویی بروژی عملی کول، حکومت یعنی د نړیوال(ګلوبل) کلی سره راشه درشه او ډیر نور کارونه چی یو یې پکې د بیسو سیاست یا monetary policyده. ګوری دا دپټي سر دی، پتی وروسته سورور دی.